عهرهفه رۆژا جهئينانا هيڤى و ئومێدان
نڤێسەر:
عهرهفه رۆژا جهئينانا هيڤى و ئومێدان
د: اسماعیل سگێری
خويشكان برايان رۆژا عهرهفێ:
ئێك: ژ بلي كو رۆژيگرتنا وێ ژبهر بها و قهدرێ وێ دبيته ئهگهرێ ژێبرنا گونههێت دووسالان يا پێش و يا پاش، هوروهكى پسيار ژ رۆژيگرتنا وێ ژ پێغهمبهرى سلاڤێت خودێ ل سهربن هاتيهكرن (سئِل رسولُ اللَّهِ صَلّى اللهُ عَلَيْهِ وسَلَّم: عَنْ صَوْمِ يوْمِ عَرَفَةَ ؟ قال: يكفِّرُ السَّنَةَ المَاضِيةَ وَالبَاقِيَةَ) پسيار ژ پێغهمبهرێ خودێ سلاڤێت خودێ ل سهربن ژ رۆژيا عهرةفێ هاته كرن، گۆت: گۆنههێت سالا بۆرى و يا نههاتى ژێ دبهت.
دوو: و ژبلي كو چ رۆژان هندى رۆژا عهرهفێ عبد و بهنده تێدا نا هێنه ئازاكرن، پێغهمبهر (سلاڤێت خودێ ل سهربن) دبێژيت: (ما من يَوْمٍ أَكْثَرَ من أَنْ يُعْتِقَ الله فيه عَبْدًا من النَّارِ من يَوْمِ عَرَفَةَ) چ رۆژان هندى رۆژا عهرهفێ بهنده ژ ئاگرى نا هێنه ئازاكرن.
سێ: و ژبلي كو رۆژا عهرهفێ و راوهستيانا ل وێرێ گهلهك دهرس و شيرهت تێدا ههنه. ههلبهت ئهڤ راوهستيانه بۆ مرۆڤى گهلهك تشتان رۆن و ئاشكهرا دكهت و گهلهك بيرهاتنان دئينيته بيرا مه. ئهڤ ههمى خولياقهتێ مرۆڤان ههر ئێك رهگهزهك و ههر ئێك جنسهك و ههر ئێك يێ وهلاتهكى، ئهڤرۆ ههميان زهنگين و ههژاران وهكى ئێك جلك ييت كرينه بهر خۆ، و ههميان كهس و كار و زارۆكێت خۆ يێت هێلاين، و ههمى ل عهرهفێ يێت كۆم بووين و ههمى يێت ل هيڤيا دلۆڤانيا خودێ، و ب راستى مرؤڤ د ناڤ كۆما ڤان مرۆڤاندا ژ نوى ب دورستى مهعنا تهوحيدێ و رامانا (لا إله إلا الله) تێدگههيت، و بهسى مهيه عهرهفه ڤێ بينيتة بيرا مه كو ئهها وهكى ڤێ رۆژێ و ل ڤى جهى خودايێ مهزن كهرهما خۆ دگهل ڤێ ئوممهتێ كر و نيعمهتا خۆ ب دويماهى ئينا، و ل وێرێ ئهڤ ئايهته هاته خوارێ ( الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِى ) ئهڤرۆ من دينێ ههوه تمامكر و كێماسى تێدا نهما، و من خنێك و كهرةمێت خۆ بۆ ههوه تهكۆزكرن.
چوار: و ژبلي كو رۆژا عهرهفێ شهيتان تهپان ل سهرێ خۆ ددهت و نفرينان ل خۆ دكهت، و خۆليێ ب سهرێ خۆ وهردكهت وهختێ دزانيت خودايێ مهزن دوعايێت موسلمانان ههميان قهبويلكرن و دلۆڤانيا خۆ ب سهر واندا دارِێژت. پێغهمبهرێ خۆشتڤى (سلاڤێت خودێ ل سهربن) د حهديسهكا پيرۆزدا دبێژيت: ((ما رؤى الشَّيْطَانُ يَوْمًا هو فيه أَصْغَرُ وَلاَ ادحر وَلاَ أَحْقَرُ وَلاَ أَغْيَظُ منه في يَوْمِ عَرَفَةَ)) ئانكو: چو رۆژان شهيتان بچويكتر و رهڤۆكتر و كێمتر و رهزيلتر و كهربگرتيتر وهكى رۆژا عهرهفێ نههاتيه ديتن.
پێنج: و ژ بلي كو ئهم بزانين و بێته بيرا مه ل عهرهفێ پێغهمبهرێ مه (سلاڤێت خودێ ل سهربن) خوتبا خۆ يا خاترخواستنێ د ڤێ رۆژێدا يا خواندى ئهوا كو هزروبيرێت سهرهكى و گشتى و ماف و ئهرك تێدا دياركرين.
شهش: و ژبلي كو رۆژا عهرهفێ بيرا مة دئينيته ئێكهتيا ئيسلامێ و موسلمانان، و موسلمان هةمى ئێك لهشن و ههمى ئێكن و موسلمان ههمى ئهڤرۆ ب ئێك جلكن، و ههمى ب ئێك ئهزمان يێت دبێژن: (لَبَّيْكَ اللهم لَبَّيْكَ لَبَّيْكَ لا شَرِيكَ لك لَبَّيْكَ إِنَّ الْحَمْدَ وَالنِّعْمَةَ لك وَالْمُلْكَ لا شَرِيكَ لك)، و ههر ئهڤهيه گازى و سروودا ههميان. ئةرێ تو دزانى رامانا (لبيك) چيه؟ (لبيك) سۆز و پهيمانه ههروهكى تو دبێژى ئهى خودێ ئهڤه ئهز ب بهر ئهمرێ تهڤه هاتم و ئهز يێ بهرههڤم.
ول سهر ئهڤا بوريرا ههميێ رۆژا عهرهفێ دوعايا وێ ژ يا سالێ ههميێ ب خێرتر و بقهدرتره، و بۆ حهجيان و نه حهجيان ژى، بهلێ بۆ حهجيان تايبهتتر چونكى ئهو يێت د رۆژهكا پيروز و جههكێ پيروزدا و يێت دناڤ دوو پيروزياندا، پێغهمبهر (سلاڤێت خودێ ل سهربن) دبێژيت: (خَيْرُ الدُّعَاءِ دُعَاءُ يَوْمِ عَرَفَةَ) باشترين دوعا دوعايا رۆژا عهرهفێ يه ئانكو ب خێرتره و نێزيكتر و ههژيتره بۆ بهرسڤدانێ.
ههر ژبهر هندێ ژي چاك و باش ژ پێشيێت مه ( السلف الصالح) هيڤى و ئومێد و داخوازى و ههوجهيێت خۆ ئهڤێت ب جه نههاتين دهێلان بۆ رۆژا عهرهفێ، و تێدا داخوازى و دوعاێێت خۆ دكرن، و گهلهك ژ وان دبێژن داخوز و دوعايێت مه درۆژا عهرهفێ ب جهـ دهاتن ڤێجا ئهڤه دهليڤه، يا ل پێشيا مه كێماسى و تهخسيريێ تێدا نهكهن و هيڤى و ئومێد و ههوجهيێت خۆ بكهنه دوعا ورۆژا عهرهفێ دهستێت خۆ ب دوعا بلندكهن ههر جهێ هوين لێ بن و نهخاسمه پشتى نڤێژا ئێڤارى ههتا مهغرهب ههكه تۆ بشێى تنێ ل جههكێ بمنى، خۆ بۆ دوعا و دوعاكرنێ ڤالابكهي، وهبكه، كارهكێ باشه چونكى دوو ئهگهر يێت ههين دوعايێت ته قهبويل ببن تۆ يێ ب رۆژي و تۆ يێ ل ئێڤارا عهرهفێدا دهمێ راوهستيانا ههمى حهجيان دهشتا عهرهفێ، خودێ ژ مه ههميان قهيويلكهت.
